Central di Polis ta manda un patruya pa Keito pa un caso di hortamento. Na e sitio polisnan ta papia cu e homber M. E ta declara cu dia 16 september pa mas o menos 2 or y 30 di marduga el a bay drumi y a spierta pa banda di 5 or di mainta. E momento ey el a constata cu desconocinan a drenta den su cas.
https://www.facebook.com/masnoticia/videos/239258343602701/
Durante control el a wak cu e bentana di cushina tabata los y cu nan a reboltia su cushina, sala y camber. Ladronnan a bay cu dos laptop, uno HP y otro DELL, un WIii control color preto, celular, holoshi Timex, color oranje, un, un tas di laptop color preto. For di den sala y cushina nan a bay cu 35 florin, un iPhone 6s color shinishi cu blanco.
E cabayero a haci denuncia di robo di su pertenencianan.
Tambe e cabayero M. ta pidi encarecidamente cu si cualkier hende bin bende (bo) e articulonan aki, pa tuma contact cu polis di biaha.