Na Jordania tin un 10% di mucha muhe cu ta casa prome cu nan 18 aña di edad. Un porcentahe menos cu Africa of Asia meridional. E number ta grandi entre e refugiadionan palestino y di Siria. Ey nan ta mas vulnerabel, segun organisacion Girls Not Brides.
“Lamentabel nos a wak un aumento di matrimonio di refugiado for for di e cuminsamento di e pandemia, esaki pa motibo cu famia ta lucha pa bay dilanti”, Tanya Chapuisat, representante di UNICEF na Jordania.
E ‘lockdown’ di India pa contene e virus pa final di maart a haci cu miyon di migrante den pobresa a perde nan trabou na ciudad, hopi di nan a biaha nan cas of pueblo di antes cu nan a laga pa busca un miho bida.
Cu scolnan cera y presion di finanza na cas ta subiendo y e opcion pa busca un casa pa nan yiunan muhe ta bira e opcion mas viable pa reduci gasto. ‘ChildLine India a raporta 5214 casamento den 4 luna di e lockdown y tin mas casonan cu no ta raporta segun e organisacion.
Den un caso, un mucha muhe di 13 aña di edad na Uttar Pradesg a notifica cu polis cu su tata a keda sin trabou y tabatin e intecion pa su yiu muhe casa obliga. E casamento a keda cancela, pero no porme cu a tuma 50.000 rupies (675 dollar) di e famia di e mucha homber cu lo a bay casa cune.