Recientemente Aruba Tourism Authority tabata tin e grato placer pa honra bishitantenan leal di Aruba como Embahadornan di Bon Boluntad. E certificado aki di Embahador di Bon Boluntad ta wordo presenta na bishitantenan cu ta bishita nos pais pa 20 aña of mas.
E honradonan tabata Neil y Michele Strandberg for di Long Island, New York y tin 25 aña bishitando Aruba hunto cu nan 5 yiunan. Riba e pregunta ‘Dicon Aruba’?, nan contesta tabata uno directo: “Nos a anota Aruba como un destinacion ‘terapeutico’ desde e prome biaha cu nos a pone pia ariba Aruba, un isla bunita y amabel”. Un di e hopi motibonan pa nan regreso anual ta e hospitalidad cu nan ta ricibi for di personanan cu nan a topa durante tur e añanan cu nan tin pa biniendo Aruba, cual ta pone nan sinti mas como Arubiano cu como turista. Nan ta destaca cu Aruba ta un di e destinacionnan mas amicabel y feliz cu nan a bishita te cu aworaki. Mientras cu nan ta cu vakantie, nan ta disfruta di e variedad gastronomico cu Aruba tin di ofrece como tambe diferente otro actividadnan ariba e isla.
Un Certificado di Premiacion di parti di Aruba Tourism Authority, Destination Services Manager Sr. Patrick Melchiors hunto cu e Presidente di e Hunta di Directiva di Aruba Tourism Authority, Sra. Marieta Ras, Coordinador di Atencion na Bishitante Sra. Marouska Heyliger y Comunicacion Interno Sra. Sharicia Hasham a wordo presenta na e honradonan. Nan a wordo reconoci pa kies Aruba pa nan destinacion vacacional preferi y como nan ‘cas leu fo’i cas’.