Universidad di Aruba tabata tin e honor awe di ricibi su Altesa Real Prinses Amalia durante su bishita na Aruba. E facultad huridico a organisa un college tocante e huridiccion di Corte Comun na Curaçao y e Statuut di Reino Hulandes. Cu hopi conviccion e profesornan mr. Miranda Gielen y mr. Chun Luk a splica kico e principio di coordinacion ta encera.
E colaboracion cu a resulta di esaki den Reino tabata central, loke e Rey a subraya despues.
Cu atencion Secretario di estado pa Relacionnan den Reino y Digitalisacion, Sra. Van Huffelen, a tuma nota di e principio di colaboracion y cu e topico tin atencion di tanto Rey como Secretario di Estado.
A splica mas a fondo e individualidad di e islanan a base di textonan di ley na Prinses cu a participa yen di entusiasmo na e kahoot. E di dos parti di e programa a consisti di cera conoci cu e studiante- y profesornan di e otro estudionan manera: Hospitality & Tourism & Management (FHTMS, Faculty of Arts & Sciences (FAS), SISSTEM, e programa di Social Work y e UA FEF/Business School.
Finalmente e studiantenan di e Academic Foundation Year (AFY) a haya e oportunidad di conta e Prinses y su mayornan di nan estudio. Rector di Universidad di Aruba, prof. Viola Heutger a mustra e Prinses y Rey riba e Programa di mobilidad di Reino y a invita e Prinses pa participa activamente na e intercambio aki.
E college a wordo interumpi brevemente pa un studiante di Master di E Facultad di Derecho, cu a stroba e college door di lanta para y canta un cantica di esclavo.
Decano di e Facultad di Derecho, Ruth Bonnevale-Kok, a hala su atencion na un manera adecuado, pero cariñoso pa keda keto y poco despues a saca e studiante for di den Aula
E decano a reacciona despues di e bishita exitoso di Famia Real riba e incidente:
“Mi a invita e studiante aki personalmente pa e college aki y mi conoce como un studiante motiva y mi sa cu e ta politicamente comprometi. Esey ta bon, Universidad di Aruba ta para pa diversidad, inclusividady ta habri pa un actitud critico di studiante. Pero door di secuestra un momento asina importante, tanto pa e universidad como pa e Prinses van Oranje, el a bergonsa e confianza poni den dje enormemente.”
E interes di Famia Real pa nos universidad, cu e aña aki na september ta celebra 35 aña di existencia tabata sincero y envolvi. E Prinses van Oranje sa cu semper e ta bon bini na Universidad di Aruba.