Sr. Jonathan Trinidad ta traha den e area di informacion y educacion di Famia Planea. Durante entrevista el a splica un tiki riba e siman interactivo y educativo. Dia 26 di September 2017 ta celebrando dia mundial di anticonceptivo.
Esaki ta e di 10 aña cu mundialmente ta celebra e dia aki. E meta ta pa duna informacion na e comunidad, tocante metodonan anticonceptivo. Pero tambe pa engradece e uzo y promocion tras di anticonceptivo. E meta final pa asina tur hoben y adulto por tuma decisionnan corecto y informa ora ta trata di nan salud sexual y reproductivo.
E siman aki ta uno special, ya cu mester cu den exterior, tin diferente parti di organisacionnan cu ta tuma luga tras di e dia aki. Na Aruba nan ta zorg pa e siman aki duna hopi informacion afo, via nan pagina di Facebook. Pero lo zorg pa den diferente area ta riba caya. Den diferente forma kier brinda e informacion corecto na nos hobennan. E ta un dia unda cu no solamente nan ta para keto riba e dia aki, pero tambe ariba e diferente metodo anticonceptivo cu nan ta brinda na e comunidad. Nan tin cinco diferente metodo anticonceptivo cu nan ta ofrece. Nan tin De Pil, tin inyeccion di tur luna y cada tres luna. Nan tin spiraal cu ta pa mamanan. Tambe tin condom.
Tur hende na Aruba sa con Famia Planea ta traha. Hendenan mester ta consciente cu nan tin tur esaki pa e comunidad. Hobennan bou di 21 aña di edad por bira miembro gratuitamente, cu nan AZV card. Y nan ta dunanan e tipo di anti- conceptivo desea. Personanan riba 21 aña cu 10 florin ora di inscribi, y 35 florin pa full un aña di anti- conceptivo. Ora ta trata di spiraal of inyeccion, nan ta trece un recept di dokter.
Bira miembro e ta duna beneficio na e miembro ora di busca anticonceptivo. E celebracion di siman di anticonceptivo ta sigui. Mas y mas hoben y adulto ta birando mas consciente. Mester educa nos hobennan y adultonan riba nan salud sexual, cual ta keda hopi importante. Famia Planea tey pa brinda y ofrece hopi informacion e siman aki, en conexion cu anti- conceptivo.
E cantidad di e clientenan ta aumentando. E cambio t’ey y pueblo ta habri mas riba e anticonceptivo. Mas hoben y tambe mas adulto ta habri pa anti conceptivo. Pero Famia Planea ta cumpli cu e mision di e siman aki, cu ta pa educa hoben y adulto, pa tuma decisionnan corecto ora ta trata salud sexual. Tin ora awendia ta haya hopi informacion riba Internet. Ora ta trata di salud sexual mester busca informacion corecto segun Jonathan Trinidad. Nan kier brinda e sosten y guia cu cada persona mester.
Sra. Vanessa Almarante ta funcionario di Famia Planea a splica cu nan lo ta tambe na cierto puntonan strategico cu nan lo bishita pa duna un pakete. Esaki ta pa conscientisa full e pueblo di Aruba, pa loke ta Famia Planea. Riba e flyer nan por haya e pagina di Facebook, pa subi eyriba y haya sa mas di kico Famia Planea ta. Mester por duna informacion di tur loke nan ta duna na e comunidad. Nan ta contento di por haci esaki. Nan lo ta dilanti Imelda Kleuterschool, na Renaissance, na Santa Cruz pa asina parti e paketenan aki. Aña pasa no a haya chens pero ta cla pa conscientisa e hendenan riba e uzo di anticonceptivo, pa asina cuida di haya malesanan transmiti sexualmente.