Fundacion Famia Planea lo tin un temporada hopi druk dunando charlanan na scol, mirando cu ta temporada di carnaval. Tin algun fecha ainda disponibel. Repartimento di condom lo ta disponibel na algun punto strategico, unda cu esaki lo keda informa oficialmente. Sr. Jonathan Trinidad, coordinadodi Fundacion Famia Planea ta elabora mas ariba esaki.
Sr. Trinidad, di Famia Planea a sigui bisa cu esakinan lo ta disponibel na diferente eventonan, unda cu Famia Planea a join e campaña di DVG “Mi escogencia pa 2019”. Tambe Famia Planea tin miembrecia pa hoben, y esaki ta completamente gratis te cu 21 aña di edad. Nan ta traha completamente anonimo, unda cu e hoben por bin haci nan preguntanan, pero nan ta bin den un setting unda nan ta mas comfortabel.
Den e temporada moderno aki, Famia Planea ta mas cerca di e cliente. Na augustus di aña pasa, nan a lansa e delivery service, y e online store. E hoben por dicidi e dia y horario cual nan kier pa e wordo entrega.
Tin hasta e posibildad di paga cash of swipe. Awendia tur hende ta consciente di nan salud sexual, di e uzo di e anti conceptivo y Famia Planea lo sigui traha pa laga esaki crece den comunidad.
Por ultimo, Sr. Jonathan Trinidad, coordinador na Fundacion Famia Planea a informa cu durante e dos paradanan mas grandi, tur organisacion cu e join e campaña lo tin un tas cu folder y tambe e condom. Esaki lo wordo reparti durante e dos paradanan mas grandi, e lo wordo reparti na adultonan, pa na final di dia tur hende ta consciente y como mayor, pa nan tin e informacion pa nan por lesa na nan cas, den tur comodidad.