Jonathan Trinidad coordinador di Famia Planea durante e conferencia di prensa na Salubridad Publico a comenta cu nan ta contento di por forma parti di e proyecto aki. Esaki lo bay ta un temporada di carnaval sumamente grandi y mas cu claro cu esaki ta importante pa informa y educa nos comunidad principalmente cu e parti di sexualidad. Famia Planea ta traha den e area di sexualidad manera tur hende sa, y esaki ta nifica cu nos ta traha no solamente e area di prevencion pero tambe duna guia y sosten y mas cu claro informacion na comunidad por medio di diferente manera, sr Trinidad a comenta
Pakico ta importante pa educa y informa e comunidad, ta pasobra famia planea ta bin trahando durante ultimo aña e meta mundial pa desaroyo sostenibel y esaki ta haci cu mas claro nos kier sigui traha y aporta na un comunidad mas consciente. Mester keda corda cu sexualidad ta e parti di derecho humano y esey ta haci cu no solamente e hobennan pero adulto tin derecho di basicamente di cuida nan curpa e temporada aki pero importante pa sa kico ta nan derecho y pa asina nan sa con pa proteha nan curpa. Un di e derechonan principal ta bin na anticonceptivo y esey ta haci cu famia planea ta drenta y hunga un rol tambe mas grandi.
Famia Planea ta pone enfasis tambe riba diferente workshopnan na diferente scolnan y alaves ta un invitacion pa diferente scolnan cu no a logra reserva nan charla pa 2019 por haci esaki manera scol habri bek y yuda re-engrandece conocemento di hobennan den relacion di sexualidad.
Durante full e temporada di carnaval lo introduci y parti e condom pack na diferente punto strategico. E ta un pakete no unda cu e hende ta haya un condom cortesia di famia planea pero mas cu claro den e condom pack tin e informacion corecto unda tin seis stap unda cu e persona cu haci uso di e condom sa tambe con pa por haci uso di dje y dicon e ta importante.
Si un persona kier e condom pack aki por pasa serca famia planea na su oficina y finalmente haya esaki completamente gratis.