Recientemente Famia Planea Aruba a tene un presentacion na Minister di Asuntonan Social y di Labor, Sr. Glenbert Croes. Sr. Jonathan Trinidad, coordinador na Famia Planea Aruba ta amplia mas ariba esaki.
E presentacion duna tabata mas pa e minister por tin un bista di con Famia Planea ta traha, no solamente na nivel local, pero tambe internacionalmente. Pero mas dirigi ariba nan productonan, pero vooral e implementacion di diferente servicionan nobo cu a ser haci algun luna atras, pa e comunidad. Asina e Famia Planea ta mas cerca tambe di e comunidad. Apart di esey, nan a presenta no solamente servicio y producto, pero tambe e diferente material cu nan ta uza pa por yega na e diferente scolnan pa e diferente categorianan.
Den e plan presenta, en berdad a presenta un plan pa asina un proyecto nobo por wordo implementa. Den e proyecto aki, e ta basa ariba diferente doelgroepnan, mara na un edad. Esey ta involucra tambe, cuminsa desde chikito cu e muchanan, pa asina stap pa stap, por ta durante di nan crecemento y desaroyo, por ofrece nan informacion, adapta na conocemento y tambe necesidad di cada un mucha/hoben y tambe na e diferente scolnan na Aruba.
E proyecto ta den colaboracion cu un instancia internacional y den e caso aki, tambe por ta mas despues e por bira algo cu lo por tin un cooperacion chikito. En principio e ta algo cu Famia Planea ta haci’e parti di dje, ya caba e ta den diferente scol y ta parti di loke ta wordo presenta na e muchanan, hoben -, y adultonan, pa asina e por bin cu extra contenido. Famia Planea ta innova constantemente, a base di cifra y research cu ta wordo haci, pa trece algo cu en realidad di nivel y ta trece un cambio y impacto positivo pa cada un persona.
Ta enfoca ariba e famia en totalidad ta wordo abarca den e proyecto aki. Famia Planea no ta traha solamente pa gara e muchanan y hobennan, pero tambe nan sistema. CU esaki kiermen e famia y e docentenan cu ta hunga un rol importante den nan crecemento y educacion na Aruba. Esey ta haci cu ta purba pa target tur di nan y tur di nan ta ariba e mesun liña, pa cual informacion, producto y servicio. Pero pa na final di dia nan tin un bon comunicacion den nan bida sexual en general.
Ta calcula cu aki un aña of aña y mei, e proyecto lo ta cla pa wordo lansa, pa asina finalmente cuminsa mira resultadonan relaciona cu e problemanan sexual pero tambe e nivel di educacion cu ta wordo duna. Te asina leu, e relato di Sr. Jonathan Trinidad, coordinador na Famia Planea.
