Famia Planea recientemente tabata tin nan prome encuentro cu Minister di Asuntonan Social, bou di cual Famia Planea ta resorta. Sra. Evelyne Ras- Yarzagaray ta amplia mas ariba e encuentro aki.
E presentación tabata mas bien pa e minister por a cera conoci cu e trabao cu nan ta eherce pa e ultimo 48 aña. Tambe pa e minister wak con e avansenan y e issuenan cu tin, pero tambe cu e siña un tiki mas di unda nan ta aworaki y unda nan kier yega. Esey primordialmente tabata e encuentro y esey ta bay hopi bon. Y Famia Planea tambe ta satisfecho cu e minister por wak un tiki mas di kico nan ta haciendo y presenta cifra cu ta algo hopi importante. Pasobra cu Famia Planea ta traha anualmente cu cifra y tambe pa wak con pa siugi traha hunto. E encuentro den su totalidad tabata uno hopi satisfactorio.
Durante e encuentro cu minister, Sra. Ras- Yarzagaray a papia di locual Famia Planea ta topa na scolnan, locual ta biba den e comunidad y esey ta loke a wordo trece dilanti. A combersa over di diferente topico, di cual e minister ta na altur di varios di nan. Pero e approach di con ta haci’e, a intercambia di ideanan, pa cual nan ta sumanmente contento cu nan ta ariba e mesun liña di con e desaroyo ta bay sigui pa cu futuro. Y di e banda ey, nan ta contento y satisfecho con esaki a bay. A papia di diferente casonan, no di solamente hobennan, pero e desaroyo den su totalidad di e hobennan, cual e tin hopi na su curason, y nan ta hopi contento cu esaki. Nan ta traha, y nan meta principal ta hoben, pa asina nan por sigui intercambia y wak, fiha nan approach pa 2019-2020, y e plannan cu Famia Planea tin con pa delinea hunto cu e maneho cu e cartera di .Asuntonan Social.
Tambe durante encuentro a papia over di e conexion entre Famia Planea y diferente otro departamento, pero Famia Planea ta un organisacion cu ta cay bou di diferente cartera y actualmente nan ta cay bou di Asuntonan Social. Nan ta hopi cu e aspecto medico, nan por referi hende, nan ta traha hopi cu dokternan di cas, nan ta traha cu e sistema ey. Pero e impacto cu e tin ariba e aspecto social. A papia di e diferente partinan di educacion, y e impacto cu drentando den e sistema educacional, y e impacto cu e tin ariba e area social. Y Famia Planea a bin ta haciendo diferente research ariba esaki. Y tur e cifra y rapport nan cu a haci ariba dje, evaluando e resultadonan y kico kier logra e siguiente añanan pa asina delinea esaki.
Aki ta caminda e bishita na Hulanda a bin dilanti pa wak con por caba di formalisa e proyecto aki conhuntamente den partnership cu gobierno y nan ta wak cu esaki ta algo cu nan ta bay realisa. Tambe nan a haya e back-up di minister, cual ta beneficia e comunidad y nos hobenann, cual Famia Planea ta contento di drenta e fase aki, cu ta un proyecto internacional, pero henter e region Caribense. Nos ruman isla Corsou, Surnam tur ta den un proyecto internacional, y pa por haya e back – up di gobierno di Aruba ta algo positivo pa Famia Planea. Nan ta cla pa isgui pa siguiente paso.
Actualmente nan ta den proceso un MOU internacional pa finaliza e proyecto aki, y e lo dura un aña y mei, pa asina e implementacion por cuminsa, Sra. Evelyne Ras- Yarzagaray ta finaliza bisando.