Jonathan Trinidad di Famia Planea a papia di nan charlanan cu nan ta presenta na hobennan tocante proteccion. Ta papia cu e hobennan pa usa condom ora di tene relaciona cu un otro persona pasobra bo no sa cu cuanto hende el a drumi cune y e chens pa pegabo cu malesa ta grandi.
Ta focus pa impletamenta e hobennan pa nan ta mas responsabel pa cu nan bida y futuro y principalmente pa cu nan curpa.
Durante nos charlanan cu ta duna na scol y hobennan, e hobennan awendia ta hopi habri den topiconan cu loke bo ta expect, y nan haya berguensa na comienso pero na final di dia bo ta mira cu e charla ta sigui bay y nan ta haci nan pregunta y na final e hobennan por bin cerca nos mas priva y haci preguntanan over su duda cu e tin di loke e ta usando. Na final di dia ta mirando cu hobennan ta birando mas consciente.
No solamente e temporada aki pero durante aña henter famia planea ta focus pa brinda den e charla un tiki tambe over presion di grupo relaciona cu sexualidad, awendia hopi hoben ta sinti nan mes cu nan mester ta den e grupo, y pa participa na dje nan tin cu pasa den diferente prueba cu hobennan y pa cu esey nos ta enfoca e mensahe directamente pa nan no cay den e trampanan aki. E por zonabo manera bon pero e tin su consecuencianan.
E topico “ Ami ta Dicidi “ durante nos charlanan nos ta bay cu nos condom pack y e ta pa mucha homber y mucha muhe, di berdad cu e condom ta pa mucha homber pero awendia nos ta enfoca e responsabilidad ta pa ambos persona. Hopi biaha bo ta wak ta bin dilanti cu hopi hende ta kere ta e hende homber cu mester zorg pa e condom pero tin varios biaha net e homber a lubide.
Diferente investigacionnan cu a keda haci , e fecha cu e prome encuntro sexual a baha y e prome biaha cu un hoben a tene relaciona ta cu su 13 pa 14 aña, asina Jonathan Triniad di Famia Planea a comenta.