Famia Planea Aruba durante nan conferencia Sra Ghislaine Koeyman a hiba palabra, y a informa cu hasta den un pandemia salud sexual ta keda importante, como organisacion nos a bin pa reenforsa nos servicionan pa asina minimalisa impacto di covid riba e salud sexual di nos comunidad y tambe di keda yuda nos clientenan.
https://www.facebook.com/masnoticia/videos/765046460922208/
E pandemia a mustra nos cu un momento of otro cos por cambia, y por tin su efectonan aki na famia planea. Desde un principio di e covid a presenta su mes y famia planea a mira e importancia di brinda e servicio na e pashentnan, sigur adapta na e diferente normanan y reglanan cu a ser indica pa locual ta e protocol di gobierno WHO, y nacion uni. Famia Planea a implementa diferente ahuste di siguridad encuanto di e producto y servicio pa asina garantisa e salud di nos comunidad y nos empleadonan. E ahustenan aki lo keda den e normal nobo cu ya nos conoce y lo keda presenta su mes. Ahuste di siguridad cu famia planea a bin cune ta un horario adapta, regla di distancia, unda un pashent so por drenta consultorio y wordo atendi. Ora bishita oficina di Famia Planea mester corda bin cu un tapa boca. E demanda pa servicionan di famia planea a subi drastico durante e temporada aki, y sigur e parti di delivery cu a aumenta drastico.
No ta tur servicio a mira un crecemento durante e temporada dificil aki, famia planea cu durante aña escolar nos ta presente na e scolnan principalmente esnan di 6e klas cu nos programa integral. Na momento cu e situacion di covid a presenta y scolnan mester a cera y esaki a obliga Famia Planea pa bira un tiki mas consciente y innova un poco mas pa asina e hobennan keda haya nan educacion y informacion.
Mirando cu scolnan pronto lo habri nos lo bay lanza nos programa integral den e forma digital, y nos no a para keto y a mira pa trece algo creativo, innovativo y educativo pa loke ta e area sexual pa nos hobennan y muchanan.