Famia Planea Aruba (FPA) kier a elabora encuanto e campaña cu a wordo lansa pa e temporada di Carnaval 71. Esaki ta bira edicion number seis (6) y e ultimo edicion di Ami Ta Dicidi (ATD). Cual e aña aki ta hiba e nomber di ATD Class of 2025.
Manera ta conoce, FPA ta traha henter aña pa por tin un comunidad consciente riba nan salud sexual en general. Mirando cu esaki t’e temporada cu nos hobennan ta mas “out there”, nos ta uza e oportunidad pa lansa e campaña di nan pa nan.
Ami Ta Dicidi ta un campaña basa riba hoben pa hoben. E aña aki cu un twist diferente, y lo bay sinti esaki mesora ora scucha e Jingle y mira e videoclip. E aña aki a enfatisa na empodera e hoben. Mas y mas nos di FPA hunto cu e scolnan secundario cu nos ta traha cu ne durante aña, ta topa e situacion unda e hoben ta indica cu e sa cu el a faya, pero e no kier ripiti e mesun eror mas.
Nos sigur mester gradici esnan cu na e momento cu nos a acerca pa participa no a duda den colabora y forma parti di ATD 2025. Nos ta cuminsa cu Colegio San Antonio pa e localidad. E hobennan cu a forma parti di e proyecto; Zilah Salas, Merliah Rosina, Alyxienne Kock, Jahziënne Kock, Brandon Guerrero, Randall Guerrero, Julissa Winklaar, Riandra Brete, Levi-Anne Angela, Katelyn Lejuez, Ayshelyn Trimon, Nos prins y pancho Hubenil Jaynior Kelly y Thierzovan Duinkerk, nos reina Hubenil Evah Ras, y tambe na Reanne Ras cu tambe ta e interprete e aña aki di e Jingle. Un gradicimento tambe na Randall Luidens y Rygell Isabella cu nan creatividad un bes mas pa nos por tin un tremendo Jingle, na the POV team pa e clip, Elai Petronia pa e editing. Danki na Rexa Bizou cu e aña aki tambe ta colaborando cu ATD, e hobennan cu forma parti di e workshop di ATD, lo ricibi un bracelet di ATD ’25, como recuerdo.
E concepto di e clip ta pa ilustra cu cada hoben tin desicionnan grandi den nan man, y cu por comete eror berdad. E importancia di esaki ta pa lanta bek, no rindi riba locual ta bo sonñonan y si bo tin cu busca ayudo profesional no duda pa hasi esaki. Rondona bo mes cu un bon sosten y bo lo logra. FPA mes por ehempel, un di su servicionan ta counseling, sea ta na scol, na oficina di FPA of asta via e plataforma digital cu e hoben ta hasi uzo di dje.
Pa clausura, nos kier a recorda cu nos lo ta riba caminda en colaboracion cu Rode Kruis y tambe cu e campaña di ATD ta conecta cu e workshopnan interactivo pa scolnan secundario. Mirando e temporada nos dilanti, nos lo extende nos workshopnan di ATD t’e na April, asina por cubri locual ta temporada di campamento tambe.
Pa mas informacion por pasa of yama libremente na oficina di Famia Planea Aruba situa na Bilderdijkstraat 16 Unit 3 y 4, Oranjestad for di dialuna pa diabierna di 9 or di mainta te cu 4 or di atardi, telefon 588-9591. Tambe por manda mail na [email protected] of bishita nos website www.famiaplanea.org of Facebook www.facebook.com/famiaplanea
Famia Planea Aruba, aportando na bo calidad di bida!