Diaranson den careda di 3:15 marduga habitantenan di Tamarijn a bati alarma di un cas na candela unda cu tin vlamnan grandi y polis y brandwee a keda manda cu urgencia pa e sitio. Polis cu a presenta prome na e sitio a topa cu vlamnan grandi y a pidi brandweer cu urgencia unda centro di alarma a despacha truck cu urgencia.
E candela a cana asina lihe y a afecta dos cas cu tabata den cercania. Brandweer a presenta di biaha y aki bomberonan a drenta accion pa combati e candela.
Tabatin boter di gas den e area y aki bomberonan a logra di hala esaki di biaha.
Un cos ta sigur, tabata reina un ambiente di tristesa na e sitio, famia cu man na cabes tabata para mira parti di e cas ta kima.