Natalia Hernandes, directora di Imeldahof, a papia riba nan di tres Zumbathon cu lo wordo organisa diaranson awo, dia 8 di Maart, for di 6’or y mey di atardi pa 8’or y mey di anochi. E ta wordo organisa pa famia Goldstein, cu ta bin for di New York.
Tur evento cu Imeldahof organisa, tin un meta su tras. E aña aki, segun Hernandes, lo bay traha pa por logra caba cu e snoezelkamer den cas Margriet y cas Beatrix. Tin cu bisa cu e snoezelkamer aki a cuminsa traha riba dje door di donacion di Garage Centraal y Exclusivo y e artista Elvis Lopez a pinta e snoezelkamer aki hopi bunita. Awor aki lo bay tin un di dos snoezelkamer, cu ta bay wordo pinta door di sr. Rossel y esaki a haya donacion di Boogaloo Beach Bar and Grill, cu a haci e donacion aki.
Awor aki e meta di e zumbathon ta pa por diseña e interior di e snoezelkamer. E snoezelkamer ta importante pasobra ta caminda cu e muchanan por bay relaha y tambe por traha riba e mucha nan sentimento y siña nan expresa nan sentimento y tambe traha riba e parti unda cu guianan di grupo di Imeldahof, por guia nan riba e parti aki cu ta e parti cu nan por siña bay bek den comunidad pa por comunica y siña y deal bek cu otro hende.
Awor aki Imeldahof ta riba un budget basta halto, pero segun cu ta haya donacion ta traha riba e snoezelkamer.