DETROIT, Michgan – Famianan di tres homber cu a muri den e club gay Pulse di Orlando, a demanda Twitter, Google y Facebook den un corte federal, acusando e companianan di brinda “apoyo material” na e atacante cu ya a radicalisa.
Omar Mateen di 29 aña y kende a mata 49 persona y a herida otro 53 den e tiroteo masivo mas letal den e historia moderno di Mericano, a hura lealtad na e grupo extremista Estado Islamico prome cu polis a abati’e despues di e atake na Juni, funcionarionan a bisa.
E demanda a wordo presenta dialuna den un corte federal di Detroit pa e famianan di Tevin Crosby, Javier Jorge-Reyes y Juan Ramon Guerrero, kendenan a muri durante e masacre.
E tres famianan a asevera cu Twitter, Youtube y Facebook “a brinda e grupo terorista ISIS cuenta cu nan a uza pa difundi e propaganda extremista, a recauda fondo y atrae reclutanan nobo.”
E demanda ta bisa cu “e apoyo material a bisa determina pa e auge di e Estado Islamico y a permiti’e realisa of cu ta ehecuta den su nomber numeroso atakenan terorista.”
Facebook a bisa diamars cu no tabata tin luga den su servicio pa gruponan cu ta comete of apoya terorismo y cu e compania ta tuma accionnan rapido pa kita contenido semehante ora cu e wordo reporta. “Nos ta comprometi pa brinda un servici unda cu personanan ta sinti nan mes sigur ora di uza Facebook,” e compania a bisa den un comunicado. “Nos ta compronde e victima y nan famia,” el a agrega.
Twitter a nenga di realisa comentario. Na Augustus, e empresa a bisa cu el a suspende 360 mil cuenta desde mediado di 2015 pa viola politicanan relaciona na e promocion di terorismo. No tabata posibel a contacta di inmediato e representantenan di Google.
E demanda ta afirma cu e companianan ta crea contenido unico na combina mensahenan di ISIS cu anuncionan personalidad. Tambe ta bisa cu ta comparti e ingresonan cu e grupo terorista pa su contenido y ta beneficia e mensahenan di grupo atrabes di publicidad.
Fuente: NTN24