QUITO, Ecuador- Famia y coleganan di e corant El Comercio secuestra dia 26 maart ultimo, lo reuni diabierna riba e Plaza Grande na Quito. Esaki lo tuma luga na momento cu e 12 oranan cu e hefe , na momento cu e 12 oranan cu e hefe di estado di Ecuador, Lenin Moreno, a duna pa e secuestradonan duna prueba di bida di e tres periodistanan secuestra.
“Mi ta duna un plaso di diesdos hora na e narconan aki, pa nan duna un prueba di existencia di nos compatriotanan. Den caso contrario nos lo bay cu tur firmeza pa sanciona e violadonan aki di derecho humano”, Moreno a bisa ora cu el a anuncia su ultimatum na e secuestradonan, diahuebs anochi.
A trabes di su rednan social, varios periodista a convoca un concentracion pa 10 or, hora local, cincuenta minuut prome cu e plaso duna pa Moreno, vence.
Despues di e ultimatum, e Secretario Nacional di Comunicacion, a informa cu gobierno di Ecuador a convoca un reunion permanente di gobierno di e Gabinete di Minister diabierna mainta trempan, den e edificio di e Sistema Integra di Siguridad 911 Ecuatoriano.
E periodista Javier Ortega, di 36 aña; e fotografo Paul Rivas, di 45, y e chauffeur Efrain Segarra, de 60, a wordo secuestra den e zona di Mataje, den e provincia di Esmeralda (noordoost), unda cu nan tabata investigando atakenan registra den e region for di januari ultimo.
E hecho aki a hala hopi atencion diahuebs, despues di cu potretnan a wordo difundi di e supuesto curpanan di sin bida di e integrantenan di e ekipo di prensa. Aunke cu autoridadnan Ecuatoriano no a confirma e autenticidad di e imagennan, aunke cu nan a admiti algun coincidencia cu e secuestradonan.
Fuente: https://www.efe.com/efe/america