Famia di Mitch Henriquez: “Polisnan mester bay cera y benta e yabi afo”

DEN HAAG/ORANJESTAD- Famianan di Mitch Henriquez, diaranson a declara cu nan ta sinti disgusto pa e hecho cu e agentenan policial no a haya castigo di prizon despues di e aresto di Mitch, cual a conduci na su fayecimento.
Henriquez a fayece na final di juni 2015, un dia despeus di cu el a wordo deteni durante e evento di Night at the Park na Den Haag. El a bisa dos agente policial di cu e lo tabata tin un arma cun’e, y el a mustra ariba su parti intimo.
Cinco agente, cu klop y pepperspray, a purba controla Henriquez, di 42 aña, cu tabata un persona robusto, durante su aresto. Un di e agentenan a haci uzo di un nekklem.
Boter di awa
Tanto mama, dos ruman muhe y ex pareha di Henriquez a lesa declaracionnan. Presidente di Corte tambe a lesa dos declaracion cortico, di un casa di un primo y un bon amiga.
Ruman di Mitch, Lila tabata prome pa hiba palabra. El a puntra su mes, dicon e agentenan a sigui riba Mitch, ora cu esaki ya caba tabata abao na suela. E no por compronde e dicon no a yama un ambulance ora cu nan a ripara cu el a bira malo.
“Nan a kita momentonan critico cu e por a wordo salba for di dje, pero si nan tabata tin tempo pa a bebe awa for di un boter”. El a bisa tambe cu e agentenan a haya un castigo demasiado abao. “Mi tin miedo cu anos ta esunnan cu lo wordo castiga pa e agresividad di e agentenan”.
Cuchiu den mi curason
E agentenan por gaña cuanto nan kier, pero nan no por haci esaki den bista di Dios”, mama di Mitch a bisa. E tambe ta haya rabia pa e hecho cu e agentenan no a haya un castigo mas halto. “Esaki ta sinti como sifuera nan a stacami cu’n cuchiu den mi curason”.
El a bisa hues: “Mi ta spera cu bo por sinti e dolor den mi curason”. E ta sufri di depresion, e ta drumi malo y ta haya falta di su yiu. “E ta un dolor cu mi lo mester carga pa resto di mi vida. Mi no ta haya mi yiu bek, pero si mi kier husticia.”
Sinti falta
Un otro ruman muhe di Henriquez, Germain, tambe ta haya falta di su ruman. “Bo ta sintibo bashi y cu rabia”. E tambe kier pa e agentenan bay cera. “Nan mester kita e uniform for di nan, bentanan den prison y tira e yabi afo”.
Fuente:

Comments

comments