CHARLOTTE, North Carolina – Dianan despues cu su ruman homber sorto y cu problema pa papia a muri door di un disparo di un agente di polis di North Carolina, Sam Harris a puntra si e tiroteo a sosode pasobra e discapaciddanan di su ruman homber a caba den un malententido.
Ningun funcionario a bisa cu esaki ta e caso. Pero Harris a bisa cu su famia ta presionando pa obtene mas informacion riba dicon Daniel Kevin Harris a ricibi un disparo cerca di su cas na Charlotte diahuebs, despues di loke polis a bisa cu tabata un persecusion di mas of menos 10 kilometer.
E famianan di Daniel Harris a papia dilanti di un multitud di persona reuni den un vigilia pafo di su cas e anochi di diamars cu kier mas respuesta riba e morto di e homber di 29 aña di edad.
“Polis tabata tin mester di tuma conciencia di e forma con ta comunica cu personanan sordo y con pa evita cu situacionnan manera esaki bolbe sosode,” Sam Harris a bisa, kende tambe ta sordo y cu a papia cu e afiliado di CNN, WSOC, cuun interprete di lenguahe di seña. Esaki ta loke nos sa te awor aki di e tiroteo:
Polis: Un “encuentro” cu a sosode despues cu e conductor a hiba polis na un persecusion.
Daniel Harris tabata core un Volvo riba e caretera interestatal 485 den e area di Charlotte, ora cu polis a purba di par’e pa sospechanan di exceso di velocidad.
Harris no a stoop, sino el a sali for di I-485 y a bay pa su bario den Charlotte, segun Michael Baker, sargento di State Patrol.
Den e bario, Harris “a sali for di su auto y tabata tin un encuentro entre e conductor y e agente”, loke a caba na disparo, Baker a bisa.
Harris a muri na e sitio. Polis no a duna detaye riba e encuentro of a revela loke e dos hmbernan a bisa of con nan a comunica, si tabata tin tal comunicacion. No sa si e agente tabata sa cu Harris tabata sordo.
E solda a wordo poni riba licencia administrativo despues di e tiroteo como ta habitual pa cualkier agente involucra den un incidente similar, Baker a bisa.
Autoridadnan ta reuniendo imagennan di camara di e auto y e video di e camara di curpa.
“Debi cu menos di 20 agente di state patrol a responde, ta tumando algun tempo pa obtene tur e videonan relaciona cu e incidente,” Bridges a bisa, di cual agencia ta investigando e tiroteo.
Baker y Puentes a nenga na responde preguntanan di CNN si Harris tabata arma.
Un bisiña a bisa cu el a scucha disparo
Mark Barringer, bisiña di e zona, a bisa na e afiliado di CNN, WBTV, cu el a wak un persecusion di e auto di polis poco antes di scucha disparo.
Otro bisiña a bisa cu el a mira Harris uza lenguahe di seña varios biaha prome.
“Mi a mir’e den e bario cu su famia,” Ryan Russell. “Parce nan ta un famia hopi trankil.”
E famianan di Harris, amigo y bisiñanan a reuni pafo di su cas pa e vigilia di diamars. Hopi a laga flor y mensahenan riba acera.
Fuente: CNN en Español
