FERGUSON, Merca – Famianan di e hoben tira Michael Brown na 2014, a haya un compensacion di mas of menos 1.3 miyon Euro di e ciudad di Ferguson. Esaki ta segun abogado di famia diabierna, segun medionan Mericano.
CNN a meld mas prome cu e famia di Bron lo a pidi mas of menos casi 70 mil Euro na daño y perhuicio.
E hoben di 18 aña no arma, a wordo tira pa un agente color cla, Darren Wilson, dia 9 di Augustus, 2014 na Ferguson na St. Louis. Testigonan a bisa cu Brown tabata tin su mannan hisa pa asina entrega su mes ora cu el a wordo tira. E agente semper a declara cu el a tira door di defensa propio y door cu Brown a atak’e.
Despues di lunanan di investigacion, autoridadnan a dicidi di no persigiu e agente. E incidente a ocaciona protestanan di lunanan largo na Ferguson y tambe otro caminda den e pais.
Fuente: www.nu.nl