Diadomingo 2 di september ultimo, e hoben Camilo Sosa a wordo asesina pa otro hoben, conoci di polis, Ryson Paskel, cual ta ainda ta fugitivo.
A dura algun siman prome cu autoridadnan a saca un comunicado mustrando su potret pa asina e comunidad tambe sa ken e asesino aki ta. Mayornan di Camilo a mustra di no ta tene rencor, ya cu rencor y vengansa no ta trece nan yiu bek.
Pero si loke e famia kier ta, pa e pueblo yuda haya Ryson Paskel, cu a kita bida di nan yiu, Camilo Sosa. Ya caba a pasa mas di un luna cu e asesinato aki a sosode y te ainda nada. Autoridadnan no a logra gara e sospechoso, a pesar di cu polisnan a tene un accion den oranan di marduga. Pero sin resultado positivo.
Famia awo pa move e caso mas, a saca posternan cu nan lo pega rond Aruba, pa asina mantene den forma di bisa, e caso di asesinato di Camilo bibo, y tambe pa e pueblo por yuda mas cu por den e buskeda di Ryson Paskel.