Falta poco pa e “MegaMATCH Car Sale Event” di Aruba Bank. Diasabra 10 di september ta e gran dia pa tur cliente y futuro cliente di Aruba Bank cu ta soña cu un auto nobo ta keda invita pa acudi na Aruba Bank Camacuri pa scoge nan auto, y gosa di entretenimento pa henter famia.
“MegaMatch Car Sale Event” ta tuma luga entre 6or y 9’or di anochi y tur agencia di auto y motorcycle lo ta presente pa yuda clientenan scoge e vehiculo cu nan ta desea, y ta pas cu nan lifestyle.
Aruba Bank a prepara un Kids Corner pa e muchanan wordo entreteni mientras cu nan mayornan ta Match nan Deal. Lo tin un competencia riba un pista di careda di auto miniatura, y tur mucha ta invita pa trece nan auto di MatchBox of HotWheels (sin peso) pa participa y pasa un rato mega great.
Rotaract lo ta presente cu nan “foodstand” cu nan cushina bon surti pa recauda fondo pa nan metanan, y lo entrenimento pa full famia.
Ademas di e gran evento aki, tambe tin e oportunidad pa aplica durante e siman aki na cualkier sucursal di Aruba Bank, of online riba mega-car-sale.arubabank.com. Tambe Aruba Bank su sucursal na Camacuri ta habri desde 9’or di mainta pa 1’or di merdia.
Cumprando un auto of motorcycle durante e “MegaMATCH Car Sale Event” clientenan lo por haya un prestamo di Aruba Bank cu “0” downpayment y un periodo pa paga bek cu por bay te cu 7 aña, dependiendo di e prijs di e vehiculo. Tambe ta ofrece un interes atractivo di solamente 7% (interes efectivo ta varia entre 7.11% – 7.18%). Banda di esaki, e cliente tin e opcion pa cumpra awo y cuminsa paga 6 luna despues, esta te cu Maart 2017!
E dia aki tur car dealer lo ta presente cu tur nan modelonan di auto di aña 2016 y algun modelo di 2017.
Like e pagina di Facebook di Aruba Bank N.V. y keda bon informa di tur e ofertanan special cu e agencianan di auto y motorcycle tin pa e gran evento aki.