Diahuebs atardi riba caminda di Paradera net otro banda di pacifico ta sosode un accidente n’e tweg. Chauffeur di un hyundai accent a subi caminda y a topa cu un pickup isuzu bahando di pariba a dal basta duro den banda robes di e accent.
Ambos auto a keda basta kibra, tanto e chauffeur di e accent y e pasahero den e isuzu pickup a resulta levemente herida. Paramedico a controla ambos persona ya cu un di nan ta na estado. Polis di trafico tambe tabata n’e sitio pa tuma dato. Na final takelwagen a kita e auto cu no tabata core mas fo’i caminda.