Den e serie di articulonan aki den solo di pueblo, jan de ruijter, columnista fiho di solo di pueblo, y presidente di e fundacion “Nos ta Aruba” tur dia ta tira un bista riba e eleccion di dia 22 di September proximo, sin laga afo algun tokenan pica.
Pa comentario: [email protected]; weita tambe facebook Jan De Ruijter en facebook Aruba Berdad)
Diabierna ultimo, dia 1 di September 2017, pa 10’or di mainta, e manifiesto nacional a wordo entregá na S.E. Sr. Gobernador, Sr. A. Boekhoudt.
Ta basta cu e fraude, e corupcion y e auto – enrikecimento di e ministernan di a.v.p.!!!!
Diabierna ultimo pa 10’or di mainta, e manifiesto nacional a wordo entregá na s.e. gobernador di aruba, Sr. J. A. boekhoudt. Esunnan cu a organisa esaki y a firma e manifiesto, ta entre otro e sindicatonan TOPA, SCCA Y STA, tambe e movimentonan di ciudadano Comision Salba Aruba, grupo 7, grupo di Accion Arubianonan Preocupa, Fundacio Nos Ta Aruba, emisoranan di radio Bo Guia 88.9 fm y Top 95, matutino solo di pueblo, canal di television canal 22, partidonan politico Red, Raiz, UPP, PPA Y MEP, hunto cu un cantidad di ciudadanonan kendenan por sostene e accion “on line”.
Mester tin un claridad riba tur e ministernan prome cu dia 22 di September 2017 !
Ta esey ta e “issue”! Esey ta locual nos kier y ta desea!! Esey ta locual nos tin derecho riba dje!! Nos no por vota pa un minister kende despues di 3 luna ta wordo deteni door di Ministerio Publico!! Nos kier sa esey awor aki !!
Nos kier sa awor aki kico Ministerio Publico ta bay haci cu e acusacionnan y e denuncianan contra e ministernan Sevinger, de Meza, Eman y Oduber, entre otro e denuncianan encuanto otorgacionnan di tereno, e contrato di “hedging”, permisonan pa trabao, e “green corridor”, e ringweg 3, y e Hard Rock Cafe. E ciudadanonan di Aruba tin derecho riba un bon gobernacion, pero tambe derecho riba claridad! Esakinan ta derechonan humano!!
E derechonan aki ta ser describi den e asina yama “Umiversele verklaring van de Rechten van de Mens, 1948”!!
E ta sigui.
Den nomber di comision “Nos ta Aruba”,
Jan de Ruijter.
jan de [email protected]
Treci na papiamento pa Remigio A. R. Wever