Falta un siman pa e tan espera Paranda di Bochincha y Cruz Cora Aruba a Cera registracion cu: 80 truck y 80 cliente cu lo participa otro siman, diasabra 25 di November, 2017.
E ruta pa Paranda di Bochincha 2017 ta: Salida di Cruz Cora Aruba na Pedro Gallegostraat, Avenida Milio Croes, de La Sallestraat, Caya Ernesto Petronia, Santa Helenastraat, L.G. Smith Blvd te na Pricesmart, Avenida Milio Croes y caba na Cruz Cora den Pedro Gallegostraat.
Chauffeurnan di truck mester trece: Rijbewijs valido, seguro valido, keuringskaart y luznan mester funciona perfectamente.
Registracion ta habri 4’or di atardi na Cruz Cora. Ta warda tur cliente y chauffeur na tempo pa parada por sali na ora.
Cruz Cora ta invita pueblo en general pa sali pafor riba ruta pa apoya e personanan aki y haci nan atardi mas special.
Paranda di Bochincha no por existi sin e sosten di tur su sponsors y boluntarionan. Cada aña e grupo di sponsors ta bira mas grandi y por casi bisa cu e actividad ta wordo carga pa tur e partners aki hunto cu Cruz Cora Aruba. Nan entusiasmo pa e proyecto ta haci’e posibel y pesey Cruz Cora Aruba kier yama DANKI na: Aruba Airport Authority, Ritz Carlton, Manrique Capriles, ASD, Tropical Bottling Co., Compra Aruba, Diario, Power FM, tur compania di truck cu a registra pa participa y chauffeurnan como boluntario, Cuerpo Policial pa nan sosten di semper, Harley Davidson Motor Unit, Aledda N.V., Ceremonies& Celebrations in Aruba, Aruba One Happy Island Lions Club, y Bright Bakery.
Masha masha danki pa boso entusiasmo y sosten. Danki na Team Bochincha.