A yega na conocemento di Departamento di Impuesto cu ya caba tin auto ta coriendo cu plachi’i number oraño cu blanco. E acto aki ta completamente ILEGAL.
Departamento di Impuesto no a otorga ningun plachi di number 2019 ainda y asina tambe a percura pa tuma e pasonan necesario contra di esaki.
Ta pidi Aruba henter pa coopera pa informa Cuerpo di Polis asina cu mira auto riba caminda cu plachi falso. Esunnan cu ta haci e actonan aki ta falta respet pa nos leynan y na esunnan cu si ta cumpli.