CIENCIA/TECNOLOGIA
FLORIDA, Merca- E creacion di mas nobo di Elon Musk, The Falcon Heavey, a pasa su test cu éxito. Falcon Heavy, cu tin e auto Tesla personal di Elon Musk abordo, ta e raket mas poderoso di mundo.
SpaceX a bisa cu e raket lo ta capaz di manda humano pa Marte (aunke SpaceX tin planea pa construi un sistema di raket/nave espacial diferente pa e biahe pa Marte, e asina yama BFR).
Prome cu e lansamento, Musk a bisa cu kisas e lansamento lo por faya, pero cu si esaki sosode, e lo ta “un espectaculo di fuego artificial increibel”.
E raket Space X a drenta den orbita, a bin bek y el a baha cu exito bek na Mundo. Esaki ta un hecho importante den historia di vuelonan espacial.
Te na e momentonan aki, tur cos ta mustra di a cana perfectamente.
E Falcon Heavy a demostra cu e por bula. Awo e raket por cuminsa haci su trabao mes: manda satelite y otro carganan util den orbita.
E Armada Mericano tambe tin planea pa uza un Falcon Heavy pa manda un carga util, yama STP-2, cu lo inclui algun satelite di prediccion meteorologico, mas den aña.
Space X a bisa tambe cu na comienso di 2017, dos turista espacial a laga un deposito pa biaha cu Falcon Heavy den un biahe rond di Luna.
Fuente: http://cnnespanol.cnn.com