Rulienne Arends, Trahado Preventivo na Fundacion Anti Droga Arubano, un biaha mas ta presente den Aruba Doet. Sra. Rulienne Arends ta splico e proyecto aki.
FADA a dicidi di bin cu e campaña DIDI, cu ta un campaña conoci. Nan a dicidi di enbes di bin cu billboard, e aña aki a bin cu e iniciativa pa duna mayor forza na e campaña amigo DIDI y asina lo verf e logo di amigo DIDI na diferente muraya, na diferente spot rond di Aruba.
Meta di FADA tabata pa a haya 3 spot, pero nan a logra 4, y nan ta hopi satisfecho pa cu esaki. Sra. Arends a duna danki na persona y companianan cu a contribui di un of otro forma cu e proyecto. A verf e logo di amigo DIDI riba e veld di Club Estrella na Santa Cruz, muraya di cas di Leonardo (tambe na Santa Cruz), muraya di edificio di FTA na rotonde di FTA y pa ultimo tambe nan a logra haya e cooperacion di e doñonan di e gasstation na Seroe Blanco.
Aina poco a poco e proyecto aki lo keda crece y lo por crea mayor conciencia kisas, caminda cu e campaña lo keda henter aña di e forma aki, ariba iniciativa di team di FADA. Fundacion Artesano tambe a duna su cooperacion na FADA mirando cu nan ta contribui tambe den parti di prevencion di adiccion y nan lo sirbi como guia pa esun cu ta busca rehab, unda nan a duna ayudo den forma di educacion den arte anto e ora artesano fundacion tambe lo ta den proyecto.
Por ultimo, Sra. Arends a duna un danki special na Sr. George Lopez kende a traha e desing di e arte di e logo pa FADA den un forma gratutito.
Masha pa bien pa e iniciativa di FADA unda cu nan a logra pinta mas di 10 muraya cu e buena boluntad y e intencion di keda promove e campaña di amigo DIDI na Aruba.