Sra. Rulienne Arends, di FADA ta splica tocante e carousel anual pa tur e scolnan secundario, y nan ta completamente yen pa e periodo di carnaval.
Apesar cu e temporada di Carnaval ta cortico, nan ta full geboek pa e temporada, unda cu nan lo duna charlanan unda lo toca tema y alcohol den e carousel di Carnaval 2018. Diferente departamento y instancianan lo t’ey un biaha mas. Polis, Wit Gele Kruis, Telefon pa Hubentud, Douane y DVG. Ta un team completo.
FADA ta haya cu ta hopi importante pa e hobennan haya e informacion aki, y e ta un oportunidad hopi bon pa diferente scolnan haya tur instancia den un solo biaha. Pa loke ta FADA nan ta keda focus ariba alcohol, cu ta un problema bou di hobennan. Kico ta e consecuencianan ora nan ta hoben y ora nan ta adulto, segun Sra. Arends.
Aunke cu e temporada ta cortico, ta spera cu e mensahe yega na e hobennan. Carnaval ta un temporada cu mas ta focus ariba dje. Ora esaki pasa ta keda duna mas informacion na e hobennan, e ta algo cu nunca lo stop di haci. Ta spera cu un dia tur cos lo por bira menos, segun Sra. Rulienne Arends, di FADA.