Awe tabata ta un gran dia cu e opening di un edificio completamente nobo pa FADA y CAA, cua uni y bira un solo team. Sra. Rulliene Arends ta splica.
Na FADA nan ta bay haya e parti curativo y tambe e parti preventivo. Ora un hende bin nan ta wak FADA, pero si nan ta bin pa yudansa, di biaha nan por wordo pasa pa CAA, cu ta atende personanan cu tin problema di adiccion. CAA ta e parti cu ta bay guia e persona pa despues di un par di tempo, cura completamente di esey. Actualmente e ta na San Nicolas y ta spera cu den un futuro, por tin un edificio unda cu e dos teamnan por uni y traha hunto.
FADA lo keda traha ariba e parti preventivo pa si mester busca informacion, si ta mayor si ta hoben cu mester di nan. Pero ta bay tin e parti unda lo bay duna counseling, psicologo, psiciatra, diferente departamento bou di un solo dak.
Sra. Rulienne Arends a bisa cu varios scol den area di San Nicolas y algun cabesante di scol a bin haci bishita y busca informacion. FADA tin diferente plannan pa crea un ambiente diferente pa e muchanan y kisas un merdia di pelicula, unda cu e muchanan por bin pasa un rato agradabel.
Den luna di october nan lo tin e siman di locura, e red ribbon week, cual lo ta hopi grandi. Y afin di luna di Augustus FADA lo anuncia kico e ta bay ta. Nan tin algo nobo e aña aki.
FADA tin algun idea den mente pa cual nan ta acercando e mayornan na trabao y nan ta hopi contento di esey cu nan por ta cerca di e mayornan ora nan ta laborando. Tur hende mester keda pendiente y vooral cu awo nan tin un edificio nobo. E team mester sinta hunto y crea e actividadnan. Esaki ta e comienso di algo hopi great.
A dicidi di habri un sucursal na San Nicolas pa facilita e muchanan di San Nicolas cu no tur ora ta asina facil pa nan yega Dakota pa busca e informacion cu nan mester. Ta hopi importante pa crea un ambiente, cu e muchanan ta sinti nan mes na cas na e edificio di FADA, segun Sra. Rulienne Arends, di FADA.