E facultad di Finance, Accounting y Marketing (FEF) a orguyosamente celebra e graduacion di 15 studiante durante nan ceremonia di graduacion anual, cu a tuma lugar riba diabierna, 10 di juli 2026.
Rondona pa famia, amigonan, miembronan di facultad y invitadonan distingui, e graduadonan a wordo reconoci pa nan dedicacion, perseverancia y logronan durante henter nan estudio. E ceremonia a celebra no solamente nan exito academico, pero tambe nan crecemento personal, liderazgo y resiliencia.
Un punto clave di e anochi tabata e reconosemento di e resultado positivo di acreditacion recien di e facultad. E logro importante aki ta refleha e compromiso di e facultad pa duna educacion di calidad halto y sigura cu nan programanan ta cumpli cu normanan academico rigoroso. E acreditacion ta reforsa e balor di e diplomanan obteni pa e graduadonan y ta enfatisa e dedicacion di e facultad pa prepara futuro profecionalnan pa exito den e terenonan di finance, accounting y marketing.
Un pabien special ta bay pa Rakisha Gomez, kende a keda reconoci como e Mihor Graduado di e Klas di 2026 cu un promedio di 8.3. Como reconocemento di e logro aki, e la ricibi un premio generoso di parti di BDO.
E facultad tambe kier extende su sincero aprecio na su sponsornan, entre otro BDO, Marriott Aruba, Vissers Corporation, y Botica Paradera, kende a yuda haci e celebracion aki posibel.
Pabien na tur graduado cu e logro remarcabel aki. Nos ta desea boso tur exito. Pabien, Klas di 2026!
