Facturanan di Serlimar di residencial 2019 ta bay sali proximamente. Tur cos ta cla caba y aworaki nan ta bezig ta print pa despues wordo manda via post. Sra. Marelva Wever, director interino di Serlimar ta splica mas di esaki.
Sra. Marelva Wever a bisa tambe cu e containernan nobo tambe a yega y den proximo dianan lo cuminsa reparti esaki. Tabata tin hopi trahado den Serlimar den tur e simannan aki por a pasa y bishita varios cas pa Serlimar por a drecha su archivo, pa por a parti e facturanan residencial mas miho posibel.
Mas aleu, Sra. Wever a bisa cu ora e facturanan sali, tur esunnan cu kier paga full aña, ta haya descuento di un luna. Pero esunnan cu ta keda paga pa luna, pa kwartaal of mita aña, esey tambe ta posibel. Pero por probecha di biaha pa paga full un aña y ta haya descuento di un luna.
Acontecimento na Serlimar.
E upcycle center di Serlimar lo habri dia 12 di juli, y pueblo lo tin e oportunidad pa entrega glasnan limpi, plastic, of mueblenan, cu por wordo drecha na Serlimar y rebende, unda cu otro persona por haci uzo di e materialnan aki.
Por ultimo, Sra. Wever a bisa cu tur hende por sigui Serlimar ariba rednan social pa tur acontecimento nobo cu lo tuma luga proximamente.