PARIS, Francia – E empresa Facebook a logra identifica 30 mil cuenta falso asocia na Francia prome cu e eleccionnan presidencial di e pais, ubicando den un campaña global contra e desinformacion.
Den e sentido aki, diahuebs ultimo a manifesta cu ta busca pa ‘reduci e propagacion di material genera atrabes di actividad no autentico, como spam, desinformacion y otro contenido engañoso cu hopi biaha ta wordo comparti pa creadornan di cuentanan falso.” Nan a indica cu e esfuersonan aki “a permiti nos” tuma medid contra e cuentanan Frances.
Por a conoce cu Facebook y medionan frances a lansa programanan di verificacion di noticia pa combati informacion engañoso, specialmente prome cu e eleccionnan presidencial, cu lo wordo celebra den dos buelta: Dia 23 di April y 7 di Mei.
Di su banda, autoridadnan Europeo tambe a presiona Facebook y Twitter pa nan retira e propaganda extremista y otro mensahenan cu ta viola leynan Europeo contra e expresionnan di odio y otro regulacionnan.
Entre e esfuersonan adicional di Facebook ta inclui e participacion di otro compania y lidernan di e industria tecnologico pa establece un organisacion di “integridad noticioso” sin fin di lucro, cu e fin di promove e instruccion noticioso y incrimenta e confiansa publico den periodismo.
Ademas, e recien crea Proyecto Periodistico Facebook ta trata di un ambicioso esfuerso pa colabora cu medionan di comunicacion den e desaroyo di producto, proporciona herment na periodistanan y e promocion general di confiansa den noticia.
Fuente: http://elinformante.mx