Diabierna Facebook a informa cu el a descubri un eror den e programacion di su plataforma, cu a expone e potret di 6.8 miyon usuario cu ta uza e aplicacion.
E incidente a tuma luga a lo largo di 12 dia, pa ta exacto entre 13 y 25 di september. Segun e compania, 1500 aplicacion programa pa 876 desaroyado tabata tin acceso na potretnan cu e usuario nunca a wordo comparti ariba Facebook.
E firma funda pa Mark Zuckerberg ta splica cu e tabata por tabata tin acceso na e potretnan aki cu a keda pendiente di wordo publica, ya cu e plataforma ta warda un copia di e potretnan aki, despues cu nan purba di wordo geload. E tabata tin acceso na imagennan comparti den e opcionnan Marketplace of Facebook Stories di Facebook.
“Nos ta lamenta cu esaki a pasa”, segun un comunicado firma pa e director di ingenieria di Facebook, Tomer Bar.
Problema soluciona
E director di ingenieria di e compania a sigura cu e problema a wordo soluciona dia 25 di september una bes nan a haya sa di e error.
Bar a informa ademas di cu e siguiente siman lo notifica e errornan na e personana cu potencialmente afecta “a trabes di un alerta riba Facebook”. Y cu e notificacion lo diriginan na un link den Help Center, unda nan por wak si nan a uza algun aplicacion involucra den e error.
Na final di september, Facebook a informa cu el a descubri “un problema di siguridad” den su plataforma, cu por a afecta “casi 50 miyon account”, di cual e ‘hackernan’ lo por a obtene informacion priva y accede na e cuentanan aki como sifuera nan ta e usuarionan.
Investigacion na Europa
Despues di cu Facebook a revela e error aki, e Data Proteccion Comissionar (DPC na Ingles) di Irlanda a informa, segun Reuters, cu lo cuminsa un investigacion legal pa determina si Facebook lo ta cumpliendo cu e Reglamento General di Proteccion di Dato (RGPD) di UE, cu a drenta na vigor dia 25 di mey 2018, despues di cu e notificacionnan di violacion na su plataforma.
Ley Europeo, e.o., ta establece cu e empresanan mester informa autoridadnan Europeo riba e violacion di dato den un plazo di 72 hora desde cu e incidente a tuma luga; den caso contrario, lo establece multanan di te cu 4% di e ingresonan global anual pa cada infraccion.