TECNOLOGIA
WASHINGTON, Merca- E investigacion ta bin despues cu den fin di siman e compania di analisis di dato Cambridge Analytica a revela cu na 2014 e tabata tin acceso na recopilacion di datonan di e empresa dirigi pa Mark Zuckerberg. Esaki claramente ta un violacion di condicionnan di confidencialidad di e compania.
E gigante tecnologico, relaciona cu e acusasionnan a bisa di “hororisa” y a argumenta cu e sucedido ta debi cu nan a wordo gaña pa e compania Britanico.
“E compania completo ta hororisa pasobra cu nos a wordo gaña. Nos ta comprometi pa reforsa vigorosamente nos politicanan pa proteha e informacion di usuarionan y nos lo tuma e pasonan necesario pa logra esaki”, e compania a expresa pa medio di un comunicado distribui na medionan.
Despues, e vice-presidente di e compania Paul Grewal a indica den un comunicado cu “e curason” di e empresa ta “proteha informacion” di su usuarionan y ta rekeri esaki tambe di e trahadonan cu ta opera e aplicacionnan di Facebook.
“Si e informenan aki ta berdad, esaki ta un abuso grave di nos reglanan. Tur e partinan involucra, incluyendo SCL Group / Cambridge Analytica, Christopher Wylie y Aleksandr Kogan, a sigura nos cu nan a destrui e datonan en cuestion”, Grewal a sigura.
“Relaciona cu informacion nobo aki di datonan cu no a wordo destrui, nos ta schors e tres actornan aki for di Facebook, sperando mas informacion. Nos lo tuma e pasonan cu ta necesario pa garantisa cu e datonan en cuestion wordo elimina pa semper y nos lo tuma medidanan contra di e partidonan infractor”, el a sigura.
Campaña electoral di Donald Trump
segun medionan Britanico, e compania di analisis di dato, cu a colabora na e ekipo di Trump durante e campaña electoral pa eleccionnan presidencial di 2016, a haci uzo di e informacionnan aki pa desaroya un programa informatico destina pa predeci decision di e votadonan pa asina influencia nan.
No ta prome biaha cu Facebook ta haya su mes den e centro di criticanan pa su papel den e eleccionnan aki, ya cu den ultimo lunanan e red social a hay’e confronta cu varios acusacion pa e difusion di noticianan falso (fake news) durante e campaña , cu lo por a afecta e intencion di voto.
De hecho, e acusacionnan aki a pone tanto Facebook como Google, pa compromete nan mes na November ultimo na adopta medidanan pa detene e difusion di noticianan di origen dudoso mediante e limitacion di su publicidad. Anteriormente, na September, Facebook a denuncia cu 470 account falso “probablemente” opera for di Rusia a gasta rond di 100 mil dollar den contrata anuncio politiconan falso riba e red social .
Sin embargo, e acusasionnan nobo aki lo por ta un golpi mas duro ainda pa compania Californiano ya e no ta wordo acusa di ta dehado na ora di controla e divulgacion di noticia, algo di cual, e no ta responsabel, sino cu e biaha aki e ta wordo sospecha di concentra ariba e propio politica di e compania.
Pa aworaki, Facebook a rechasa e acusacionnan, pero e hecho di cu Cambridge Analytica a admiti di tabata tin acceso na e dato di miyones di usuario ta implica cu of e red social a sufri un robo di informacion of mas bien el a viola su mesun normanan y otro compania acceso na su archivonan.
Consentimento di usuario ante cambionan di privacidad
Na 2011, Facebook a compromete su mes na pidi permiso di su usuarionan prome cu e realisa cierto cambionan den e preferencianan di privacidad di su usuarionan, como parti di un acuerdo cu estado, cu na e momento tabata acusa e compania di abusa di su usuarionan na comparti ora cu e ta comparti informacion cu otro companianan.
P’esey, e sospecho di cu re d social lo por a facilita e tipo di informacion na Cambridge Analytica lo kiermen cu e compania Mericano lo a viola e acuerdo aki, pa cual FTC lo por multa Facebook cu 40 mil dollar diario pa cada violacion, segun Bloomberg. E posibilidad aki, como tambe e rechaso di cu e accionnan di e compania lo por genera den su usuarionan, a pone cu den e ultimo oranan por a ripara esaki ariba Wallstreet, unda cu Facebook Facebook a perde 4.7% di su accionnan, despues di a perde 7% caba dialuna.
Esaki, sin embargo, esakinan no ta unico preocupacionnan di Mark Zuckerberg, kende a wordo yama tanto pa e Parlamento Britanico, como tambe pa Eurocamara, pa aclaria e vinculonan existente entre su compania y Cambridge Analytica, kende su principal inversionista ta e ex hefe di campaña di Trump na 2016, Steve Bannon.
Ademas, segun e corant The New York Times a informa dialuna, e hefe di siguridad di Facebook, Alex Stamos, a anuncia cu e lo bandona su cargo debi na e desacuerdo interno di con e red social mester maneha e difusion di informacion.
Fuente: https://www.efefuturo.com/