E ta pidi hopi mas derecho di loke e mester pa ofrece e servicio
Den e ultimo dianan e aplicacion FaceApp a bira viral. E ta un aplicacion cu ta hibabo na wak con lo bo ta den bo biehes, cambiando bo cara y pone bo mustra 60 of 70 aña di edad.
Pero ti un detaye y esaki ta cu e aplicacion crea na St. Petersburg, Rusia, pa e ingeniero Ruso, Yaroslav Goncharov, uzando un politica di privacidad bastante amplio cu no a wordo actualisa desde 2017.
Di e manera aki, e usuario ta compromete e datonan cu e ta suministra e aplicacion, incluyendo e mesun potretnan lo keda vulnerabel na wordo warda digitalmente pa den futuro wordo uza pa reconocemento facial.
FaceApp den su politica di siguridad ta isgura cu e lo no comparti e informacin na tereer persona. Aunke cu e empresa afilia tin acceso na e datonan aki door cu e ta un parti legal di e compania, e proveedornan di servicio tambe tin di haber ya cu nan ta facilita informacion, datonan di ubicacion, identificadornan di e telefon y archivonan di registro.
Segun e aplicacion, tur informacion ta wordo gesaved y ta wordo procesa na Merca y otro regionnan unda e socio y afiliadonan ya estableci,
Ademas, e compania ta adverti cu ta posibel cu e informacion wordo transferi pa otro pais unda cu e leynan cu tin di haber cu recompilacion y uzo di datonan varia. Un ehempel ta Rusia, pais di origen di e compania.
Mester destaca, cu si e compania wordo bendi of bay failliet, tur informacion lo pasa pa un doño nobo y segun e abogado Michaul Bradley a bisa den un entrevista pa ABC, cualkeir persona cu ta pone su cara online hunto cu otro datonan, ta keda vulnerabel na wordo captura digitalmente pa futuro uzo di reconocimento facial.