TECNOLOGIA
E compania fabricante di camaranan GoPro dialuna a anuncia cu e lo kita mas di 250 trahado for di trabao y lo baha e sueldo di su CEO, Nicholas Woodman, te na un dollar. Cu esaki e lo kier lanta e negoshi bek, despues di e experimenta bentanan abao durante e temporada di Pasco.
E firma anuncia awe e resultadonan preliminar di e ultimo trimester di 2017, unda cu nan ta spera di recauda 340 miyon dollar na ingreso, un fuente bruto di entre 24 y 26% cu por keda bou di su proyeccion di 470 miyon dollar haci na November.
Segun GoPro a indica, nan tabata tin un impacto negativo di 80 miyon dollar den ingreso di camaranan HERO6 Black, HERO5 Black y HERO5 Session, como tambe e dron Karma, cu caul e ta retira di e mercado di e aparatonan.
Cu e obhetivo di baha su nivel di gastonan operativo na 2018, e compania a comunica cu e lo reduci su personal global, di 1.254 empleado na final di September ultimo, na “menos di mil”. Ta trata aki di e di cuater rond di despido di e compania for di 2016.
Fundador di GoPro y maximo ehecutivo di e firma, Nicholas Woodman, “a reduci su sueldo di 2018 na un dollar”, segun e compania a señala den su comunicado.
E empresa Mericano di camaranan a bisa cu, a pesar di e bon acogida di e dron Karma, e producto tin marginnan abao di e beneficio den un mercado “extremadamente competitivo” cu un entorno regulatorio hostil na Europa y Merca, pa e proximo añanan.
“GoPro lo bandona e mercado despues di e benta di e inventario restante di Karma”, según e comunicado, pero a indica cu e propietarionan di e aparatonan lo sigui ricibi servicionan di atencion na cliente.
Consecuencia di e resultadonan financiero y e anuncionan di retiro di dialuna, e ciere di e dia di trabao na Wall Straat, e accionnan di e fabricante di camara a termina cu un caida di 12.77% te cu 6,65 dollar.