Esaki a keda anuncia pa un alto funcionario di e Federal Aviation Administration, aunke cu e no por a duna un fecha exacto. E operacion cu e modelo di avion popular aki a wordo prohibi despues di dos tragedia atribui na e un fout den diseño cu a pone cu a haci un investigacion extenso.
E avion 737 Max di e fabricante Mericano Boeing, cu no a bula desde maart despues di dos accidente mortal den cinco luna, lo bolbe ta operativo na december, segun un alto cargo di siguridad di e Federal Aviation Administration (FAA). “No ta posibel pa duna un fecha exacto mientras cu ta traha ariba solucionnan di siguridad pa e avion”, Ali Bahrami, administrador socio di siguridad den aviacion di e regulador Mericano durante un conferencia di siguridad di aviacion na Colonne, Alemanina.
Aunke cu FAA ta “bou di hopi presion”, Brahami a sigura cu Max lo bolbe bek den servicio “na momento cu nos ta kere cu ta safe”,
Pa sa ki ora e avionnan aki lo bolbe bula lo yuda aerolineanan sigui soporta e problemanan causa pa e avion di alcance medio 737 Max, cual ta e modelo mas popular di Boeing. FAA a bisa cu no tin un marco di tempo pa aproba e solucion di software proponi pa e fabricante pa e avion. Di otro banda, e aerolinea Mericano American Airlines diamars a anuncia cu e ta cancela, como medida di precaucion tur su vuelonan cu e Boeing 737 te cu 3 di september, bisando asina bon cla cu e prohibicion lo no wordo lanta por lo pronto.