GEORGETOWN, Guyana – E racha di descubrimento di petroleo di ExxonMobil dilanti di e costa di Guyana, ta sigui, cu e compania reportado diahuebs cu nan a canta bingo atrobe.
Esaki ta e di tres di tal hayazgo den e Stabroek Block y e di dos pa e aña aki, biniendo di descubrimentonan na Liza na 2015 y Payara na Januari.
E biaha aki, e resultadonan positivo a bin for di Snoek tambe, mientras cu e gigante internacional di petroleo y gas, a target na reservanan similar, a proba exitoso den su dos descubrimentonan previo.
Snoek tambe, situa mas of menos cinco miya zuidoost di Liza, a dal mas cu 82 pia di reserva, e compania a bisa den un declaracion.
“E ultimo descubrimento na Snoek a demostra cu e exito continuo cu nos a bin ta logra, cu ta parti di un provincia di exploracion significante offshore di Guyana,” e presidente di ExxonMobil Exploration Company, Steve Greenlee, a bisa.
“Mientras cu nos ta sigui evalua e full potencial di Stabroek Block, nos tambe ta tumando e pasonan necesari pa sigura un desaroyo sigur, cost-efficient y responsabel pa e recurso di clase mundial aki, cu por provee den termino largo, beneficionan sostenibel pa e ciudadanonan di Guyana,” Greenlee a bisa.
Reaccionando na e ultimo descubrimento, Gobierno di Guyana a bisa cu e ta satisfecho cu e progreso cu a wordo haci.
“Noticia di un otro hayazgo offshore di Guyana, ta un fuente di gran orguyoso y placer pa tur Guyanes,” nan a bisa.
Fuente: Caribbean360