GUYANA – E compania Mericano Exxon Mobil a anuncia diabierna cu e lo inverti 5 mil miyon di dollar den investigacion pa obtene petroleo na Guyana cuminsando na 2020.
Den e sentido aki, e responsabel di Exxon Mobil na Guyana, Jeff Simon, a manifesta den un conferencia di prensa na Guyana cu nan filial Esso Exploration and Production Guyana Limited (EEPGL) a solicita un licencia di produccion y cu a contrata un compania specialisa den construccion di plataformanan flotante.
Fuentenan cercano na e empresa a precisa, cu desde e plataforma lo extrae petroleo di fondo di lama y lo almacena pa e wordo transporta na un refineria prome cu wordo comercialisa.
E plataforma lo tin e capacidad di almacenahe di te cu 100 mil bari di petroleo diario, mescos tambe lo separa gas y awa di e petroleo recogi.
Ta spera cu Exxon Mobil perfora 17 pos petrolero.
Fuente: Globovision