MARAWI, Filipinas – Ehercito Filipino a manda mas o menos 100 militar pa e ciudad di Marawi, riba e isla Mindanao. Decenas di extremistanan musulman a ocupa gran mayoria di e ciudad y a kima varios edificio, despues di un intento fracasa di e tropanan di siguridad den un di nan esconditenan.
Desde e accion ey di diamars na Marawi, mas o menos 21 persona a perde nan bida: 7 soldat, 13 extremista y un civil. Segun lidernan religioso e extremistanan a tuma habitantenan cristian como rehen pa uza nan como escudo humano. E grupo extremista Maute a hura lealtad na e grupo terorista ISIS.
Fuente: www.anp.com