Extreme Next Level Kite Flyers, cual ta un organisacion entre Aruba y Curacao, unda ta splica di nan evento fin di luna April. Esaki lo tuma luga na veld di Pepsi, San Nicolas y lo ta un competencia di hisa fli den anochi cuminsando for di 6or pm.
A dicidi di bin cu e competencia aki mirando cu despues di basta tempo no tin competencia di hisa fli mas, y asina “Caliber” y “Beertje” a uni pa asina trece esaki bek. Tur fli lo ta decora na luz, es ta bo no lo mira e fli pero locual e luz ta representa. Sea un cruz, logo, beer te hasta un shoco.
Inscripcion a tuma luga awe Diahuebs na Linear Park unda varios hende a yega cerca pa asina inscribi y te hasta a keda casi sold out. Locual ta poco regla cu a wordo splica tambe ta lo siguiente:
- Fli mester ta di palo
- E liña mester ta mesun largo riba veld
- 1:30 mins e fli nan mester keda den laira
- Ultimo 10 secs nan bo mester ta para keto
Esaki ta solamente poco di e reglanan cu a wordo splica. “Caliber” y “Beertje” ta manda invitacion pa pueblo di Aruba pa bin gosa di loke ta e evento aki na April pa asina mira un competencia di hisa fli ful diferente.