No ta conoci e motibo y tanto Ministerio Publico como Landsrecherche tin un silencio total, pero por a nota cu detenido Franklin Abath tin extra vigilancia.
For di momento di su detencion, Abath tabata wordo mira como un piesa importante den e caso Avestruz cu ta bou investigacion. Un caso cu tin di haber cu manipulacion den otorgamento di terenonan publico. Un servicio cu tabata na encargo di e departamento cu Franklin Abath tabata dirigi.
Ultimo dianan por a nota cu diariamente ta trece Abath oficina di Landsrecherche. Por a mira funcionarionan halto di Ministerio Publico ta drenta sali. Pero loke cu a hala atencion ta cu tanto ora di trece of hiba Abath bek tin extra vigilancia.
Extra oficialmente ta papia di menasa, pero no por a logra haya confirmacion di esaki.Ni si esaki lo ta pasobra e lo a basha’bou. Awe un biaha mas e tabata na Landsrecherche cu siguridad extra.