EL CAIRO, Egipto – E expresidente di Egipto, Hosni Mubarak, kende tabata den prizon seis aña tras su derocamento durante e protestanan masivo di e Primavera Arabe, a sali den libertad diabierna.
Mubarak a sali for di e hospital militar na Maadi, caminda cu e tabata bao di custodia y a bay cas den e suburbio di Heliopolis na El Cairo, su abogado, Farid El Deeb, a bisa CNN.
Su cas ta ubica algun caya leu di e Palacio Residencial, caminda cu el a goberna durante 30 aña. Dia 2 di Maart di e aña aki, Mubarak a wordo absolvi di e cargonan den su contra pa e asesinato di manifestantenan durante e protestanan di Egipto na 2011. Mubarak no tin huicionan pendiente, El Deeb a agrega.
Durante e primavera di 2011, forsanan masivo y vibrante a tuma e plazaTahir na Cairo y e resto di Egipto.
E forsanan di siguridad Egipcio, a reprimi, pero e manifestantenan no a cede. Na nan luga, nan a crece den cantidad den e mayor demostracion di e Primavera Arabe, e movimento di revolucionnan popular cu a arasa dene nort di Africa y Medio Oriente.
Eventualmente Mubarak a cede ante e presio y a demiti como presidente. Y den e proceso, el a converti den un homber ainda mas señala.
Na Juni di 2012, e exmandatario a wordo haya culpabel y sentencia na un bida den prizon.
Pero, el a obtene un huicio nobo e aña siguiente, uno cu a culmina na Mei di 2014 cu un sentencia di tres aña, liga na un condena pa malversacion.
Corte di Casacion di Egipto, esun mas halto pa e litigio di asuntonan criminal, a sostene e veredicto anterior, haciendo cu e absolucion tabata final.
Fuente: CNN en Español