Den su programa unico di ARTE DEN BARIO subsidia pa CEDE Aruba, unda ta traha caba pa basta aña cu hobennan den diferente bario di Aruba. Cu diferente disiciplina di arte, pa asina yega na un manera mas facil cu arte na e hobennan den e barionan di Aruba.
Na e ocacion aki a dicidi di tene e ultimo workshop aki di fotografia di Arte den Bario na Ateliers ’89 mes na Oranjestad, pa un luna largo. Unda manera semper a ofrece un workshop completamente gratis cu ayudo extra di UNOCA, Compra y 4 Sale/Quick print. Un workshop di nivel halto dicta pa e maestro-artista Daniel Benaim di Caracas, Venezuela, cu a sa di haci un worshop excelente pa e participantenan cu hopi pasenshi y cariño. Den e impactante BLACK BOX na Ateleirs ’89, for di prome dia caba e workshop a mustra di ta uno fuera di lo comun unda e enfoke tabata e uso di tecnica di luz. E muchanan participante a keda encanta cu e workshop aki. Problema di camera y laptop MAC a keda resolvi cu e poco cu tin na Ateliers ’89, pa asina realisa e exposicion aki yama SUMMER DREAM. P’esey bo mester bin mira e resultado di tur esaki diadomingo awor den e salanan mayor na Ateliers ’89. Bo presencia ta altamente aprecia. Mi kier a termina agradeciendo Rubia y Lupita Bernabela, pa a haci posibel cu nos ta tin un auto extra durante e luna aki. MASHA DANKI