E exposicion Mare Nostrum a tuma 10 luna pa organisa. Sra. Osaira Muyale, na Aruba,
na Venezuela e curador independiente di arte y maestro na Universidad di Zulia Jimmy Yanez y directora di Maczul Lourdes Penjaranda.
E interes di e proyecto aki a cunsa durante un research na biblioteca nacional di Coro
buscando informacion riba identidad espacio y memoria, unda mi antepasadonan Mediteraneo a emigra desde Libanon pa Coro despues pa Corsou y Aruba desde 1898.
Mi a encontra hopi informacion y tambe pa sorpresa hopi informacion riba e relacion entre
Hulanda,Venezuela y Caribe desde siglo 16 y 17.
E grupo di artista cu a wordo invita, ta esunnan cu a biaha hunto den varios ocasion pa trabou representando exposicionnan internacional.
Artistanan visual Osaira Muyale, Elvis Lopez, Glenda Heyliger y Ryan Oduber. E meta principal tawata y ta pa por a logra un lenguahe visual interesante mirando e storianan di
relacion estrecho cu tin entre paisnan aki, Hulanda, Venezuela,Aruba y Antia.
Tambe pa trece e storianan aki den e forma visual, cu un otro angulo y perspectiva.
Como artista visual nos ta constantemente construyendo colectivamente un porta pa unda e bishitante por explora, nos ta constantemente construyendo portanan entre capanan di realidad, creando espacio pa soñonan y experencianan cu no tin plataforma normalmente. Cada gesto creativo ta expande e pakico ta y e portanan aki por converti nan mes den un
imagen di posibilidadnan. Nos ta traha hunto pa por comprende e esfuersonan humano, e forsanan di violencia, di politica,cu ta afecta cada cas y cada mente riba mundo. Con
nos ta transforma nos traumanan y uz’e pa pensa y sobrevivi un sistema disfuncional cu mundo ta biba aden. E artistanan nan trabou den e ta pa responde e preguntanan aki den un bista amplio y den un manera afecciona, positivo y uni, convertiendo e espacio den un combersacion di lenguahenan entre nos curpanan. E trabounan colectivo ta presente den
e Museo Maczul desde 28 October 2017 te cu 28 Februari 2018.
Tur hende por bay libremente. Nos ta bisa un danki grandi na Ray-Ann Hernandez directora di Unoca cu a atende nos cariñosamente cu e proyecto aki. Un danki grandi tambe na Mondriaan Fonds di Hulanda y Museo Maczul na Venezuela. Pronto lo tin un lectura riba e exposicion aki na Unoca.