Exposicion di Censo (1960-2020)

0
RBC Juli 2018
Funmiles-2018

En conexion cu e Exposicion di Censo (1960-2020). CBS lo presenta un corto resumen di cada Censo organisa na Aruba. Awe CBS lo cuminsa cu aña 1960.

Durante e conteo di e poblacion di Aruba, ariba 27 di juni 1960, tabata tin 56,199
persona. Di e grupo aki 42,430 persona a nace durante e constelacion di Antia
Hulandes y 36,870 persona a nace na Aruba. E grupo aki tabata consisti di
49.5% di hende homber y 50.5% di hende muher.

Den 1960, nos poblacion por a wordo parti den e siguiente nacionalidadnan:
Hulandes naci na Antia Hulandes (79.6%), Hulandes no naci na Antia Hulandes (5.5%), Islanan Ingles* (Antigua, Barbados, Dominica, Granada, Jamaica) (5.0%), Americanonan (2.7%), Venezolanonan (1.2%), Otro nacionalidadnan (4.0%).

Un total di 45% di e vivienda tabata consisti di famianan tradicional di un homber, un muher y yiunan. 53,199 persona cu tabata biba na Aruba tabata consisti di 10,878 vivienda. Cada vivienda ta varia di 6 hende pa e Antiano y 2 hende pa e Surnameo.

Un total di 16,334 menor tabata tin edad pa bay scol (entre 5 pa 16 aña). Di e grupo aki 78.7% tabata bai scol.

46% di nos poblacion, di 15 aña of mas ta forma parti di nos forsa laboral. 71.8% ta consisti di hende homber y 21.6% di hende muher.

Un tercer parti di tur e trahadornan tabata traha den e industria di refineria di petroleo. Gobierno tabata e dunador di trabou mas grandi, sigui pa e mercado grandi y chikito. Homber tabata traha principalmente den e industria di refineria di petroleo y muhernan den e industria di mercado grandi y chikito.

E relacion entre nacemento y morto na Aruba ta mustra un crecemento significativo di e poblacion. Cu un indice di nacemento di 36.24 y un indice di morto di 21.38. E poblacion total tabatin un crecemento natural di 14.86 hende pa cada mil persona.

The Central Bureau of Statistics www.cbs.awTelefoon: +297 524 7433

Comments

comments

C: Heineken
new india