Centro di Bario Brazil preparando pa di 7 Parada Folklor Cultural . Esaki ta motibo tambe cu Centro di Bario ta preparando un fin di siman cultural, cual ta encera exposicion di trahe di tur grupo tanto di participantenan y reinanan.
Tambe potret y locual a wordo uza durante e diferente paradanan sin laga afo e gran celebracion di San Juan, gruponan di baile, grupo tipico y caha di orgel.
Diabierna 23 di Juni lo tin apertura di e exposicion, cuminsando pa 7or pm cu shownan y musica cultural. Diasabra 24 di Juni lo tin celebracion di San Juan cuminsando pa 5:00pm hunto cu e exposicion.
Centro di Bario Brazil ta bay tin bunita premio pa baliadornan di San Juan tanto pa hende grandi y mucha.
Pa clausura e exposicion C.B.B tin diadomingo 25 di Juni, exposicion, kofie morgen, cushina bon surti, show di baile, grupo tipico y caha di orgel cuminsando pa 10:30am te cu 6 or atardi. C.B.B ta wardabo sin falta na e actividadnan unico aki. Tambe tin oportunidad pa inscribi pa participa pa reina y pa gruponan pa e Parada Cultural. Pa mas informacion por yama CBB. 5846500.