LONDON, Gran Bretania- Un muestra cu ta celebra e carera di Pink Floyd, unda cu lo presenta gran cantidad di recuerdo y tribuntonan na un di e bandanan mas iconico di siglo XX, lo habri su portanan na Londes, diadomingo proximo.
E Museo di Victoria y Albert lo alberga “The Pink Floyd Exhibition: Their Mortal Remains”, den conmemoracion di e 50 aniversario di e lansamento di e album debut di e grupo Britanico di rock progresivo, “The Piper at the Gates of Dawn”.
“No ta trata di solamente nostalgia”, e drummer di e banda, Nick Mason, a bisa. Mason a traha hunto cu e diseñadonan den algun di e etapanan mas legendario di e disconan di Pink Floyd, Aubrey “Po” Powell y Storm Thorgerson, pa concebi y desaroya e exhibicion.
“Cincuenta aña ta parce di ta un bon momento, y e berdad ta cu nos lo no tey pa semper. Nos a perde dos miembro di e banda segun añanan ta bay pasando”, Mason a bisa, refiriendo na e prome guitarista, compositor y lider di e grupo Syd Barrett y e pianista Rick Wright.
“Y ta asina importante (….) cu si bo kier conta e historianan aki, cu un di e personanan ucu tey aki nan contanana”, el a agrega.
E exposicion ta un cronica audiovisual desde e surgimiento di Pink Floyd riba e escenarionan musical Britanico alternativo na London na final di decadanan 1960 te cu nan popularidad mundial, den un carera unda cu nan a bende mas di 250 miyon disco.
Bishitantenan por drenta den un recreacion riba un escala magnificada di e truck cu a hiba Pink Floyd pa nan prome actuacionnan y tambe lo por wak mas di 350 articulo, for di posternan original te cu guitaranan di full e carera di e banda, como tambe imagennan inedito di e grupo.
E muestra ta inclui un maquette di e central electrico Battersea, riba e cover di e album “Animals” di 1977 y e muraya completo di e escena di e tour 1980- 1981 di e dobbel LP, “The Wall”.
Fuente: REUTERS