Na oficina di Directie Economische Zaken, a tene nan conferencia di prensa den oranan di mainta na unda señora Charon Meijer Van der Linden, a anuncia nan evento Export Week 2023 . Economische Zaken y su unida di Exprodesk ta invita tur negociantenan pa atende cu Export Week 2023, cual ta un siman completo cu hopi informacion y lo duna e tools nan necesario pa e negociantenan por crece nan negoshi.
Den e siman di 3 juli 2023 te cu dia 7 juli 2023, di 9am te cu 12 pm, por atende cu diferente tayernan y cual lo ser duna pa Edjean Semeleer – Co-Founder di Go Cultura , Wessel Mol – Senior Consultant, Jorge Zarraga – Marketer Advisor y doño di JZ Marketing, Fred de Jong – Coach di negoshi certifica pa mindvalley, IR. Marlon Kock – Team Leader IT Project & Architecture di Aruba Bank, Germille Geerman – Culinary Artisan, Ruben Metevosya – Innovation Consultant, David Levy Maduro – CXPAY Director, cual nan lo ta presentando den e 5 dia di tayer.
Pa inscribi ta completamente gratis y por scoge e diana cu ta desea di participa of por scoge tur dia si ta desea.
