PriceWaterhouse Coopers (PWC) Aruba den colaboracion cu Exprodesk a presenta un Workshop Taxation, informando e sector creativo riba diferente aspectonan di belasting di importancia na Aruba. Sra. Jourainne Wever, tax manager na PWC ta splica.
Ta importante pa sa ki sorto di belasting tin na Aruba, cua ta importante pa e comerciante chikito y e transicion di un compania chikito pa uno mas grandi na nivel di un NV of VBA entre otro. Basicamente den e workshop nan lo haya un presentacion completo, di e sorto di belasting, ki ora pa bo haci e cambio, e caminda cu bo tin cu gana pa haya e informacion cu nan mester.
E grupo cu ta prepara pa asisti na e work shop aki ta combina,pero focus riba sector creativo unda a wordo palabra entre otro cu un doño di compania, contracting business den construccion y asina tin diferente ramo.
Comunidad mester ta wordo educa riba topico di belasting, alabes cu Sra. Wever a indica cu ya tin hopi informacion disponibel caba pero na diferente bronnen anto no tin nada cu ta hunto y riba esaki mester traha pa presenta e informacion mas completo na e companianan chikito.
Por cierto cu den su presentacion e tax manager a splica riba e regimennan fiscal special cu tin na Aruba pa e sector creativo. Tambe e responsabilidad di un p.e. un director riba su compania. Pero a papia tambe di tur cos cu ta envolvi cu aspectonan relevante di belasting desde sorto di belasting te na boetnan,te e importancia pakico mester cumpli cu belasting. Tur cos a wordo a trata.
Pa ultimo Sra. Jourraine Wever ta splica cu tambe ta duna asistencia na e comerciante chikito y cu por pasa libremente cerca nan pa haya cu informacion completo, depende di e preguntanan cu tin y tambe por duna guia di e caminda cu mester cana, y lo por duna servicio pa e cliente siña con pa yena e papelnan y organiza e documentacion rekeri.